गॅलरी

मुख्यमंत्री समृद्ध पंचायत राज अभियान नमस्कार.. मौजे टिळेकरवाडी,ता. हवेली, जि. पुणे मध्ये आपले स्वागत आहे .. .. आपल्या ग्रामपंचायत टिळेकरवाडी ही सुसज्ज ग्रामपंचायत आहे. ग्रामपंचायतीचे सुसज्ज असे कार्यालय आहे. त्यामध्ये सरपंच, उपसरपंच, ग्रामपंचायत अधिकारी यांच्या साठी वेगवेगळी केबिन आहे. तसेच कर्मचारी यांच्या साठी वेगळी केबिन आहे. ग्रामपंचायत मध्ये वायफाय सुविधा, सीसीटीव्ही कॅमेरे बसविलेले आहे. ग्रामपंचायत मध्ये प्रतीक्षालय ,वाचनालय, विश्रांतीगृह ही आहे. तसेच ग्रामपंचायत वर सोलर प्रोजेक्ट बसविण्यात आलेला आहे. संपूर्ण ग्रामपंचायत व ग्रामपंचायत परिसर हा सौरऊर्जा वर चालतो त्यामुळे विजबील भरावे लागत नाही. तसेच ग्रामपंचायत कार्यालय सोमवार ते शनिवार सकाळी ९.४५ ते ६.१५ पर्यंत (शासकीय सुट्ट्या वगळून) चालु असते.तसेच गावातील सर्व मिळकती चे क्यु आर कोड नेम प्लेट बनवून संपूर्ण मिळकती वर लावण्यात आल्या आहे. त्याद्वारे ग्रामपंचायत डिजिटल करण्यात आहे. ग्रामपंचायत करभरणा हा ऑनलाईन पद्धतीने स्वीकारला जातो.तसेच संपूर्ण गावाला आर. ओ. फिल्टर चे पाणी मोफत दिले जाते. व या वर्षीपासुन थंड पाणी ही उपलब्ध आहे. तसेच मा. गटविकास अधिकारी साहेब व विस्तार अधिकारी पंचायत समिती यांच्या वतीने घंटागाडी ही ग्रामपंचायत मध्ये उपलब्ध करून दिली आहे. ग्रामपंचायत अंतर्गत जिल्हा परिषद प्राथमिक शाळा व २ अंगणवाडी केंद्र आहे. सर्व शाळामध्ये सीसीटिव्ही कॅमेरा व बोलक्या भिंती, आर. ओ. फिल्टर ,मुला-मुलींसाठी शौचालय, सुसज्ज मध्यान्ह भोजन गृह, कॉम्प्युटर, डिजिटल बोर्ड, टि. व्ही., साऊंड सिस्टिम अशा सर्व सोयी सुविधा शाळा व अंगणवाडी मध्ये उपलब्ध आहे.मौजे टिळेकरवाडी अंतर्गत महानुभाव पंथीय श्रीकृष्ण मंदिर आहे. या गावामध्ये हे धार्मिक स्थळ आहे. गावातील या पंथाचे लोक शाकाहारी आहार घेतात. मंदिरामध्ये सुसज्ज धार्मिक कार्यकमासाठी स्वतंत्र किचन शेड, हॉल, सभागृह , स्त्री व पुरुष स्वतंत्र स्वच्छत्तागृह उपलब्ध आहे. या मंदिरामध्ये लग्न, साखरपुडा असे कार्यक्रमही केले जातात.